Kaash ki ay zindagi tu fursat mein mili hoti
Chand lamhe humne tere sang bitaaye hote
Ek nazar bhar humne teri simt dekha hota
Kuch naghme humne teri bazm mein gaaye hote
Dil ko kabhi teri koi justju bhi hoti
Zehno mein kabhi tere tasawwur banaaye hote
Afsoos ki chand kodi ginne ki ujlat mein
Teri mashakkato ke zikr hume kya bhaaye hote
Tu karti rahi bezubani mein daastan apni bayaan
Kaash humne bhi tujhe apne dard sunaaye hote